Përmbytje në Malajzi, mbi 11 mijë të evakuuar, lumenjtë dalin nga shtrati

Reshjet e shumta shkaktuan përmbytje në Malajzi duke detyruar mbi 11 mijë njerëz të evakuohen nga shtëpitë e tyre në dy provincat më rëndë të prekura.

Sipas medieve lokale, numri i personave të evakuuar në Terengganu si pasojë e reshjeve që nga fundjava ka shkuar në 5.807, ndërsa në Kelantan 5.636 persona janë prekur nga përmbytjet dhe janë vendosur në qendra të autoriteteve rajonale.

Niveli i Lumi Golok, më i madhi në këtë provincë, ka tejkaluar kufirin e rrezikshmërisë prej 9 metrash për të shkuar në 10,47 metra dhe autoritetet frikësohen se niveli i ujit do të ngrihet në përmasa edhe më  të rrezikshme. 

Krahas Lumit Golok, edhe  nivelet e pesë lumenjve të tjerë e kanë tejkaluar kufirin e rrezikshmërisë.