Maqedoni
Në mëngjes më ftohtë në Berovë minus tetë gradë Celsius
06.12.2019 10:38
Në mëngjes më ftohtë ishte në Berovë ku janë matur -8 gradë Celsius, në Kriva Pallankë -6 gradë, dhe në Mavrovë janë matur -4...

Më ngrohtë në mëngjes ishte në Ohër, Pretor, Manastir, Gjevgjeli, Dojran, ku janë matur dy gradë Celsius dhe në Prilep tre gradë Celsius.
Shtresa e dëborës në orën 7 ka arritur 6 centimetra në Mavrovë dhe pesë në Kodrën e Diellit.
Moti sot do të jetë i ndryshueshëm me periudha të diellit. Nëpër fushëgropat e veçanta paradite me vranësirë të ulët, mjegull dhe më ftohtë.
Kah fundi i ditës në pjesët perëndimore, ndërsa gjatë natës dhe në pjesët tjera, do të ketë reshje lokale të shiut. Temperatura maksimale do të jetë në interval prej 4 deri në 12 gradë Celsius.
Në Shkup, mot me diell me vranësira mesatare dhe me mjegull të dobët paradite. Kah fundi i ditës vranësira do të rritet, ndërsa gjatë natës do të ketë shi të përkohshëm. Temperatura maksimale do të arrijë 6 gradë.
