Arsovski, udhëheqësia e re e BE-së pro nisjes së negociatave
Udhëheqësia e re e BE-së dëshiron mos ta humbas momentin e rëndësishëm.....

Udhëheqësia e re e BE-së dëshiron mos ta humbas momentin e rëndësishëm të udhëheqësisë paraprake dhe Maqedonisë së Veriut dhe Shqipërisë ti ndajë datë për fillimin e bisedimeve, thotë për TVM2, analisti politik, Petar Arsovski duke komentuar deklaratat e krerëve të institucioneve të BE-së se RMV dhe Shqipëria duhet të fillojnë bisedimet për anëtarsim, ndërkohë të punohet në ndryshimin e metodologjisë për zgjerim.
“Arsyeja e deklaratave të tyre vjen nga frika se në samitin e rradhës mund të ndodh e njëjta situatë dhe Franca të insistojë fillimisht në saktësimin e metodologjisë dhe më pas, fillimi i bisedimeve sepse ndryshimi i metodologjisë mund të zgjas kohë të gjatë dhe ata duan të merren vesh që ndryshimi i metodologjisë të shkoj parlael me bisedimet duke pasur parasysh faktin se nga konferenca e para ndërqeveritare deri te hapja e kapitullit të parë, mund të kaloj një apo dy vite” – tha analisti politik, Petar Arsovski. .
Nëse Samiti i Zgrebit do të sjell vendimi pozitiv për Shkupin dhe Tiranën, Arsovski thotë se akoma është herët të parashihet ndonjë vendim konkret.
“Është e pamundur të parashihet se çka do të ndodh në samitin e Zagrebit. E di se do të ketë presion shtesë për hapjen e bisedimeve për RMV-në dhe Shqipërinë. Por mendoj se duhet të kemi edhe ndonjë strategji se çka do të ndodh nëse ndahet këto dy vende, sepse RMV dramatikisht ka më tepër shansa. Megjithatë asgjë tani nuk mund të thuhet” – u shprej Arsovski.
Krerët e ri të insititucioneve të BE-së në paraqitjet e para të tyre nga marrja e funksioneve, kanë kërkuar hapjen e bisedimeve me Shqipërinë dhe RMV-në sa më herët. Por deklaratat e tyre nuk ndikojnë në qëndrimet e vendeve të BE-së, sidomos tek Franca e cila nuk lëviz nga qëndrimi që të mos vazhdojë procesi i zgjerimit të BE-së me vende të reja, pa u bërë ndryshime në procesin e negociatave. (Nermin Mulaki – Fejzullahu, TVM2)
