Shqipëri-Danimarkë transmetohet me 16 kamera

Ndeshja e parë eliminatore në shtëpi për Kombëtaren e Shqipërisë, pikërisht më 11 tetor në stadiumin "Elbasan Arena" kundër Danimarkës, do të shënojë një rekord të ri në fushën e transmetimeve. 

 

Nga sa mësohet, takimi do të transmetohet direkt nga 16 kamera, të cilat do të instalohen në çdo cep të stadiumit.

 

Kjo është hera e parë që një ndeshje ndërkombëtare do të ketë këtë mbulim televiziv në vendin tonë.

 

Në të kaluarën maksimumi i një transmetimi direkt ka qenë deri në 14 kamera lëvizëse, transmeton albeu. Ekskluzivitetin e transmetimit do ta ketë Televizioni Publik Shqiptar, ashtu siç ndodhi edhe në ndeshjen Portugali-Shqipëri.