Maqedoni
Ademi: U nënshkrua kontrata për botimin e librave
10.12.2019 16:01
Ministri i Arsimit, Arbër Ademi, ka nënshkruar kontratën me operatorët ekonomikë për botimin e teksteve shkollore....

Ministri Ademi thotë se që nga viti 2014 nuk ka pasur furnizime publike për botimin e librave edhe pse përdorimi i teksteve shkollore është paraparë për 5 vite, përkatësisht 5 gjenerata.
“Kontrata u nënshkrua me operatorët ekonomikë dhe së shpejti tekstet shkollore do të shtypen do të botohen, do të distribuohen dhe do të shpërndahen tek nxënësit dhe tërë kohës po flas për tekstet shkollore të cilat Ministria e Arsimit ka të drejtën autoriale, ndërsa tekstet shkollore që sigurohen nëpërmjet shtëpive botuese javën e parë të shtatorit kanë qenë në duart e nxënësve.”,- tha ministri i Arsimit, Arbër Ademi.
Ademi: U nënshkrua kontrata për botimin e librave
I pyetur rreth akreditimit të institucioneve të arsimit të lartë, ministri theksoi se Ligji i ri i Arsimit të Lartë është i qartë, universitetet apo grupet studimore që nuk i plotësojnë kriteret do të mbyllen.
“Ata të cilët nuk i plotësojnë kushtet edhe do të mbyllen, dispozitat ligjore janë rigide, kriteret janë edhe më të ashpra me Ligjin e ri për arsimin e lartë dhe leje për punë, aktvendim, me të cilin jepet leje për punë, asnjë program studimor nuk do të ketë nga ana ime në qoftë se nuk plotësohen kushtet e parapara me ligjin e ri, në të cilin parashihen edhe kushte më të rënda.”,- tha ministri i Arsimit, Arbër Ademi.
Këto komente Ademi i bëri pas promovimit të programit të ri të BE-së “Korpusi evropian i solidaritetit”, ku të rinjtë në mënyrë vullnetare mund të tregojnë solidaritetin dhe të ndihmojnë për të zgjidhur situata të ndryshme në të gjithë Evropën.
REJHANE BUSHI METAJ
