Bugenvili votoi për pavarësim nga Papua Guinea e Re

Kryetari i Komisionit për referendum në Bugenvill, Berti Ahern, kumtoi se në 98 për qind të fletëvotimeve valide ishin prononcuar për pavarësi. Opsioni tjetër në fletëvotim ishte autonomi më e madhe prej Papua Guinesë së Re.

 

Referendumi historik është i padetyrueshëm, ndërsa për pavarësinë tani do të negociojnë liderët e Bungevillit dhe Papua Guinesë së Re. Fjalën e fundit do ta ketë parlamenti i Papua Guinesë së Re, ndërsa procesi i marrjes së pavarësisë mund të zgjasë me vite, vlerëson agjencia gjermane e lajmeve DPA.

 

Referendumi është pjesë kryesore e marrëveshjes paqësore të vitit 2001, me të cilën përfundoi lufta civile, në të cilën jetën e humbën të paktën 15.000 persona.

 

Dhuna në Bungevill filloi nga fundi i vitit 1980-të, pas përplasjes për shkak të një miniere të madh të bakrit në qytetin Panguni.

 

Kjo minierë ishte burim i madh i fitimit për Papua Guinenë e Re, por shumica në Bungevill kanë vlerësuar se nuk kanë dobi prej kësaj dhe nënvizuan se prishet mënyra e tyre tradicionale për jetesë. Prej përplasjeve, është mbyllur miniera./mia