Anders Fogh Rasmusen, lë selinë e aleancës

Në një kohë që kishin mbetur edhe 4 ditë për përfundimin e mandatit, Rasmussen, ka preferuar të kryejë ceremoninë e largimit pa ia kaluar postin pasardhësit të tij, ish-kryeministrit norvegjez, Jens Stoltenberg.

 

Rasmussen, u emërua në këtë post në prill të vitit 2009, në kohën kur ai kryesonte me qeverinë e Danimarkës, duke u bërë kështu i pari kryeministër që ka marrë këtë post. Gjatë qëndrimit të tij, Rasmussen mbikëqyri operacione të njëkohshme në tre kontinente.

 

Gjatë 2014-ës, NATO u përball me agresionin rus në Ukrainë, si dhe rritjen e paqëndrueshmërisë në Lindjen e Mesme.

 

Në samitin e fundit që u mbajt në Uells, udhëheqësit e NATO-s miratuan një plan gatishmërie në përgjigje të kërcënimeve në botë.