Kinë, burg shkencëtarit që modifikoi gjenet e bebeve

He Jiankui njoftoi në nëntor 2018 se kishte arritur të sillte në jetë dy binjake me ADN të modifikuar, për t’i bërë ato rezistente ndaj virusit të SIDA-s, nga i cili ishte infektuar babai i tyre. Në atë kohë, qeveria kineze, urdhëroi pezullimin e hulumtimeve dhe e vuri nën hetim policor shkencëtarin.

 

Ai u dënua nga një gjykatë në Shenzhen, për kryerje të paligjshme të manipulimeve gjenetike të embrioneve për qëllime riprodhimi, njoftoi agjencia zyrtare e lajmeve “Kina e Re”. Si rezultat i këtyre hulumtimeve, kanë lindur gjithsej tri foshnje gjenetikisht të modifikuara.