Dëbimi i trupave amerikane, Trump kërcënon Irakun me sanksione

Presidenti amerikan, Donald Trump ka kërcënuar Irakun me vënie të sanksioneve të ashpra, pasi parlamenti i këtij vendi u ka bere thirrje trupave amerikane  që të largohen nga shteti.

Tensionet vazhdojnë të jenë të larta pas vrasjes së gjeneralit iranian, Qasem Soleimani në Bagdad javën e kaluar.

Irani është zotuar se do të “hakmerret ashpër”.Irani heq dore nga zotimet e marreveshjes berthamore.

Soleimani, është konsideruar terrorist nga Shtetet e Bashkuara, derisa ai ka organizuar operacionet e ushtrisë iraniane në Lindje të Mesme.

Mbetjet e trupit të gjeneralit janë kthyer në Iran, në të cilin shumë persona kanë dalë në rrugët e Teheranit për ta nderuar.

Udhëheqësi i ri i forcave elite iraniane, të cilat i ka udhëhequr Soleimani, është zotuar se do ta dëbojë SHBA-në nga Lindja e Mesme.

Sulmi me dron që ka lënë të vdekur Soleimanin, i ka marrë jetën edhe Abu Mahdi al-Muhandis, një figurë e lartë e ushtrisë irakiane, që ka udhëhequr grupin Kataib Hezbollah, i cili përkrahet nga Irani.