Tronditet sërish Porto Riko, tërmet 6.5 rihter një ditë pas tërmetit 5.8 rihter

Tërmeti goditi në afërsi të qytetit Tallaboa në bregdetin jugor të ishullit, në një thellësi prej 10 kilometrash.

Autoriteti i Energjisë Elektrike raportoi një ndërprerje të energjisë në tërë ishullin, pasi termocentralet aktivizuan mekanizmat e tyre të mbrojtjes dhe dolën jashtë shërbimit.

Autoritetet thanë që ata po vlerësojnë infrastrukturën e energjisë dhe i nxitën banorët të qëndrojnë të qetë.

Qendra Kombëtare e Paralajmërimit të Tsunamit nuk dha megjithatë asnjë alarm rreziku të mundshëm.

Tërmeti vjen një ditë pasi një tërmet 5.8 goditi rajonin jugor të territorit amerikan, i cili ka përjetuar një varg tërmetesh ditët e fundit.