Varrimi i gjeneralit iranian Sulejmani, dhjetëra persona humbën jetën në ceremoninë mortore. Parlamenti i Iranit votoi, Pentagoni konsiderohet si grup “terrorist”

Rreth 40 iranianë humbën jetën dhe mbi 120 të tjerë u lënduan gjatë varrimit të gjeneralit iranian, Kasim Sulejmani, kur turma u kthye në një stampedo njerëzore, bëri të ditur televizioni shtetëror.

 

Varrimi i gjeneralit u mbajt me fjalime pompoze kërcënuese. Lideri i gardës iraniane revolucionare u kërcënua se do t’i djeg vendet që kanë përkrahur SHBA-të për vrasjen e gjeneralit. Ky kërcënim shkaktoi thirrje të fuqishme “vdekje për Izraelin” në turmë. 

 

“Nëse ushtarët amerikanë nuk lëshojnë territorin tonë me vetdëshirë, ne do ndërmarrim veprime që trupat e tyre të dalin nga territori ynë horizontalisht.”,- deklaroi sekretari i Këshillit Suprem për Siguri të Iranit, Ali Shamhani.

 

Parlamenti i Iranit unanimisht votoi një mocion për caktimin e ushtrisë amerikane dhe Pentagonit si organizata terroriste.

 

Deputetët iranianë miratuan mocion emergjent për të “ndryshuar projektligjin që kundërshton masat kundër krimit të fundit të SHBA-ve”.

 

Mocioni për ndryshimin e kundër masave u miratua nga 223 ligjvënës. SHBA-të nga ana tjetër refuzuan kërkesën për vizë të Ministrit të Jashtëm të Iranit, Mohamed Xhavad Zarif, që duhej të merrte pjesë në mbledhjen e  Këshillit të OKB-së.

 

Zarif thotë se nëse nuk i lejohet të shkojë në Nju Jork, do t’i tregojë botës të vërtetën nga Teherani.

 

Irani po konsideron nga ana tjetër edhe 13 “skenarë hakmarrjeje” për t’iu kundërpërgjigjur amerikanëve për vrasjen e gjeneralit Sulejmani, i cili konsiderohej si njeriu i dytë më i fuqishëm në Iran pas liderit suprem,  Khameneit.

 

Shtetet e Bashkuara e konsideronin si terrorist dhe një kërcënim për trupat amerikane.