Pakistan, 13 të vrarë nga një shpërthim në një xhami

Lajmin e ka konfirmuar policia e Pakistanit, sipas të cilës shpërthimi ndodhi në një xhami të provincës Baluçistan.

Në mesin e viktima është edhe një zyrtar policor, për të cilin raportohet se ka qenë në shënjestër të sulmit.

Po ashtu raportohet për 11 persona të plagosur. Ende askush nuk e ka marrë përgjegjësinë për sulmin, që ndodhi dy ditë pas një shpërthimi në këtë rajon, që vrau dy pjesëtarë të një force paraushtarake.

Grupi Hizbul Ahrar, një degë e grupit të talibanëve pakistanezë e kishte marrë përgjegjësinë për sulmin.

Talibanët kanë një prezencë të fuqishme në rajonin e Baluçistanit, në kufi më Afganistanin dhe Iranin.