Meksikë, shpërthim i ri i vullkanit “Popokatepetl”

Një shpërthim në kraterin e vullkanit “Popokatepetl” në Meksikë ka nxjerrë shkëmbinj që kanë fluturuar 1.6 kilometra, ka bërë të ditur Shërbimi Kombëtar i Mbrojtjes Civile.

Pas shpërthimit, një shtyllë e hirit tre kilometra e lartë afër kryeqytetit meksikan u ngrit mbi vullkan.

Vullkani me një lartësi prej 5.426 metrash ka qenë veçanërisht aktiv muajt e fundit, duke nxjerrë shkëmbinj të ndezur dhe retë e hirit disa herë.

Rreth 25 milion njerëz jetojnë brenda 100 kilometrave nga krateri i vullkanit.