Somali, vriten dy punëtorë turq

Të paktën dy persona janë vrarë dhe më shumë se 20 të tjerë janë plagosur pas një sulmi vetëvrasës me bombë, që ndodhi në kryeqytetin e Somalisë.

Siç njoftuan autoritetet, sulmi ndodhi në afërsi të një kantieri ndërtimi përgjatë një autostrade jashtë kryeqytetit Mogadishu. Gjashtë shtetas turq janë nëmesin e të lënduarve.

Policia somaleze tha se punëtorët ndërtimorë turq, ishin duke punuar, në momentin kur shpërtheu bomba.

Shumica e viktimave ishin policë, të cilët po ruanin vendin ku punëtorët turq po punonin në ndërtimin e autostradës ndërmjet Mogadishut dhe qytetit Afgoye. Përgjegjësinë për sulmin e mori grupi ekstremist al-Shabab.