Bejrut, protestuesit përleshen me policinë, 150 të lënduar

Mbi 150 persona janë lënduar në protestat anti qeveritare në Bejrut, pasi forcat e sigurisë libaneze kanë përdorur gaz lotësjellës për të shpërndarë protestuesit në afërsi të kuvendit.

Presidenti i Libanit Michel Aoun i kërkoi ndihmë ushtrisë dhe forcave të sigurisë që të rivendosin qetësinë në Bejrutit.

Presidenti poashtu u kërkoi forcave të sigurisë “të garantojnë sigurinë për protestuesit paqësore e të pronave publike e private si dhe të rivendosin qetësinë në qendër të Bejrutin”, thuhej në një njoftim të zyrës së presidentit.

Një kamp me tenda i krijuar nga protestuesit në qendër të Bejrutit u përfshi nga zjarri të shtunën në mbrëmje, ndërsa forcat e sigurisë u përplasën me protestuesit pranë parlamentit.

Nuk dihet ende se çfarë mund jetë bërë shkak për zjarrin. Forcat e Sigurisë i mohuan disa njoftime në media se ishin punonjës të tyre që i kishin vënë zjarrin kampit.

Aktivistët e kanë ngritur kampin gjatë muajve të fundit si pjesë e protesta kundër një klase politike që ka zhytur vendin në një prej krizave më të rëndë ekonomike ndër dekada.