500 euro për tejkalimin e shpejtësisë në konumunikacion

Do të rriten dënimet për tejkalim shpejtësie, komunikim në telefon dhe për mospërdorim rripi. Për tejkalim shpejtësie në masën 50 km/h më shumë se norma e lejuar, shoferi do të dënohet me 500 euro.

 

Nëse drejtuesi i mjetit refuzon të paguajë dënimin, atij do t’i regjistrohen pikë  negative dhe pas dy rasteve të tilla do t’i merret patenta e shoferit.

 

Në rastet kur drejtuesi i mjetit është i dehur, policia ka të drejtë, përveçse ta dënojë, ta ndalë atë derisa t’i dalë pija. 

 

MPB, propozon edhe vendosjen e licencave për auto-shkollat.

 

Nëse konstatohet se instruktori nuk ka bërë trajnimin teorik dhe praktik të kandidatit për patentë, do t’i hiqet licenca.

 

Të gjitha këto propozime qeveria parashikon t’i përfshijë në ndryshimet e reja ligjore që do t’i dorëzohen parlamentit për miratim.