Gjermani, një person vret 6-të anëtarë të familjes

Një person ka vrarë gjashtë anëtarë të familjes së tij - përfshirë prindërit - në qytetin Rot am Ze të Gjermanisë.

Siç bëri të ditur policia gjermane, i dyshuari, 26 vjeç, thirri shërbimet e emergjencës në mesditë për t'iu thënë se ka qëlluar disa njerëz në një restorant.

I dyshuari, i cili kishte leje për armë, u arrestua derisa priti policinë para ndërtesës.

Trupat e tre burrave dhe tri grave u gjetën brenda restorantit. Viktimat janë të moshës midis 36 dhe 69 vjeç.

Dy të afërm të tjerë u plagosën - njëri nga ta në gjendje kritike. Policia tha se i dyshuari ka kërcënuar edhe dy fëmijë të familjes.

Të shtënat besohet se lidhen me një mosmarrëveshje familjare.