Neni 110 i propozimi/ligjit të prokurorisë, përgjimet nuk mund të përdoren për padi

Versioni i propozim/ligjit për Prokurorinë Publike, që është dorëzuar në Kuvend, përkatësisht nenin 110, që kontestohej nga VMRO-DPNE-ja opozitare, parashikon që materialet e përgjuara joligjore të mos mund të përdoren si bazë për padi dhe as dëshmi në gjykatë.

 

 

Propozim-ligji parashikon që materialet e përgjuara në lëndët e ndritura deri më 30 qershor të vitit 2017 të asgjësohen në afat prej tre muajsh pas përfundimit të procedurës, ndërsa të gjitha materialet tjera nga përgjimet ilegale të mos mund të ridëgjohen ose përdoren për hetim.

 

“Të gjitha materialet e mbetura dhe transkriptat e materialeve të përgjuara të cilat nuk janë dhënë si dëshmi në gjykata dhe të cilat nuk janë pjesë e lëndëve që janë në fazë të hetimit (në lëndët e ngritura deri më 30 qershor 2017) nuk mundet përsëri të dëgjohen dhe të përdoren në çfarëdo procedure dhe asgjësohen në afat prej tre muajsh pas përfundimit të procedurës me mjete të jashtëzakonshme juridike të lëndëve, të ngritura deri më 30 qershor 2017, sipas dispozitave për asgjësimin e materialeve nga masat e veçanta hetuese të vërtetuara me ligj”.

 

Propozim-ligji nuk ka inkorporuar kërkesën e opozitës që kryeprokurori të propozohet nga opozita.