“Toka e Mjaltit”, dokumentari nuk fitoi “Oscar”, por hyri në histori

Filmi dokumentar “Toka e Mjaltit” nuk fitoi “Oscar” në dy kategoritë e nominuara, por ka bërë bujë në botën e filmit, duke bërë që sytë e botës të kthehen nga vendi i vogël ballkanik. Autorët e tij thonë se “Toka e Mjaltit” hyri në histori. 

 

“Suksesin me filmin “Toka e Mjaltit” u arrit, kjo u dëshmua me dy nominimet për “Oskar” dhe kjo nuk do të përsëritet për një kohë të gjatë.”,- tha regjisorja, Tamara Kotovska. 

 

“Jemi mirënjohës për të gjithë mbështetjen e publikut, jemi të lumtur që të gjithë janë të lumtur për suksesin tonë, por ne do të donim t'i përkushtohemi projekteve të tjera në muajt e ardhshëm.”,- u shpreh producenti, Atanas Georgiev.

 

“Nuk ndjehemi humbës, të gjithë të tjerët që ishin të nominuar nuk janë humbës. Filmi “Toka e Mjaltit” mua personalisht ma ka ndryshuar jetën.”,- theksoi operatori, Samir Luta.

 

Personazhi kryesor, Hatixhe Muratova, duket se është lodhur nga vëmendja mediatike. Kërkoi ta lënë të kujdeset për bletët e saj. 

 

“Dëshiroj të më lënë të qetë me intervista. Tani kam punë me bletët e mia.”,- deklaroi Hatixhe Muratova.

 

Qeveria i ka akorduar 3 milion denarë shpërblim ekipit realizues të dokumentarit “Toka e Mjaltit”.