Kuvend, seancë për pr/ligjin për PP-në

Në Kuvend, deputetët në seancë plenare vazhdojnë debatin për propozim-ligjin për Prokurorinë Publike, si dhe për Ligjin për Këshillin e Prokurorëve.

 

Seanca e 135 filloi mbrëmë rreth orës 22:00, por  kryeparlamentari, Talat Xhaferi, e shtyu të njëjtën për ditën e sotme, për arsye se për këto dy pika të rendit të ditës janë paraqitur për diskutim  mbi 30 deputetë. Ai u bëri thirrje liderëve të partive politike për t’u marrë vesh për një takim të ri liderësh për të siguruar numrin e  shumicës së nevojshme.

 

Dy ditë më herët, dy propozim ligjet morën dritë jeshile nga anëtarët e Komisionit për Çështje Europiane dhe nga Komisioni amë juridiko-kushtetues. Për miratimin e Ligjit për Prokurorinë Publike dhe Ligjit për Këshillin e Prokurorëve nevojiten gjithsej 80 vota.