“Eurostat”: Maqedonia ka 2 milionë e 26 mijë banorë

Derisa Maqedonia ngurron të bëjë regjistrimin e popullsisë, Zyra Evropiane e Statistikave “Eurostat” ka publikuar të dhënat e reja për numrin e banorëve që jetojnë në vendet anëtare të BE-së, por dhe në vendet kandidate për anëtarësim. Sipas “Eurostat”, në Maqedoni jetojnë 2 milionë e 65 mijë banorë.

 

 

 

Sipas përllogaritjes së “Eurostat”, shtimi natyror i popullsisë në Maqedoni është 1.9 për qind. Ndërsa “Eurostat” nuk ka evidentuar të dhëna për përkatësinë etnike të qytetarëve të Maqedonisë.

 

Po ashtu, në nivel të Evropës, deri në 1 janar të vitit 2014, numri i banorëve në të gjitha 28 shtetet anëtare është 507. 4 milionë, që krahasuar me një vit më parë, përbën rritje për 80 mijë banorë.

 

Gjithashtu, është rritur ndjeshëm edhe numri i banorëve që janë vendosur për të jetuar në vendet evropiane, shifër kjo që arrin në 700 mijë banorë.