Konferencë kushtuar mbrojtjes së të dhënave personale

Risitë që do të ofrohen në kuadër të ligjit janë On-line inspektime dhe revizion i të dhënave personale, me qëllim të rritjes së vetëdijes për mbrojtjen e privatësisë të çdo personi fizik.

 

“Kohëve të fundit është rritur vetëdija publike për atë se çka paraqesin të dhënat personale, në cilat raste është shkelur e drejta e privatësisë, por edhe deri tek cili institucion qytetarët duhet të dorëzojnë parashtresat e tyre në rast të shkeljes së të dhënave personale. Këtë vit, deri në tetor kemi numër më të madh të parashtresave krahasuar me vitin e kaluar ku kemi pasur 409 parashtresa, ndërkohë që për këtë vit të dhënat do t’i kemi në raportin vjetor”- deklaroi drejtori i Drejtorisë për të Dhëna me Karakter Privat, Dimitar Georgievski.

 

“Në vetëdijen globale, me rëndësi të veçantë është të punojmë së bashku për mbrojtjen e të dhënave personale. Këto direktiva do t’u ndihmojnë autoriteteve në ndalimin e keqpërdorimit të të dhënave dhe në ruajtjen e privatësisë së personave fizik”- tha komisioneri për mbrojtjen e privatësisë belge, Romain Robert.

 

Në konferencën e sotme ishin të pranishëm përfaqësues nga 30 shtete, të cilët këmbyen përvojat e tyre për ruajtjen e së drejtës së privatësisë, e drejtë kjo e garantuar me ligj.