Maqedonia merr rekomandimin e 6-të për negociata me BE-në

Në raport do të vlerësohen të arriturat në sferat kryesore, në të cilat priten reforma nga shtetet aspirante për në BE. Raportin do ta prezantojë para Parlamentit Evropian komisari për Zgjerim i Bashkimit Evropian, Shtefan Fyle.

Kjo do të jetë raporti i fundit që ai do të publikojë, ndërsa zgjerimin si resor në të ardhmen do ta merr komisionari i ri për zgjerim dhe negocim, Johanes Han. Një ditë më parë, komisionari për zgjerim, Shtefan Fyle, tha se në pesë vitet e ardhshme do të jetë me rëndësi të binden qeveritë dhe qytetarët se do të kenë përfitim nga i gjithë procesi i zgjerimit. 

“Pesë vitet e ardhshme do të jenë të rëndësishme që të realizohet momenti i zgjerimit, të sjellin më shumë siguri dhe stabilitet te fqinjët, sepse gjithnjë e më shumë është subjekt i ndryshëm i imponimit dhe  presionit. Ky raport është kontributi ynë jo vetëm në luftën kundër  lodhjes nga zgjerimi, por edhe lodhjes nga procesi i reformave.  Bëhet fjalë për atë se si të kyçen qeveritë, si të binden qytetarët se do t’i ndjejnë përfitimet nga procesi i zgjerimit jo vetëm në fund të procesit, por edhe gjatë kohës së procesit”- deklaroi komisionari për Zgjerim i BE-së, Shtefan Fyle. (Sanije Kasami, TVM2)