Greqi, kampi i refugjatëve përfshihet nga zjarri

Një zjarr ka përfshirë një kamp të refugjtëve në Ishullin Lesbos të Greqisë, derisa tensionet janë rritur pas protestave për hapje të kufirit.

Shkaqet e zjarrit ende nuk janë bërë të qarta dhe nuk është shënuar ndonjë incident. Në ditët e fundit, shumë migrantë janë strehuar në Lesbos pas rritjes së numrit të tyre që vijnë nga Turqia.

Qindra nga ta janë munduar të arrijnë në këtë ishull që nga deklarata e presidentit turk Reccep Tayyip Erdogan javën e kaluar për “hapjen e dyerve” për refugjatët që të hyjnë në Evropë.

Por, të shtunën, presidenti turk urdhëroi rojen bregdetare të mos lejojë kalimin e migrantëve nëpër Detin Egje për shkak të rrezikut për jetë.