Maqedoni
8 Marsi, dita e gruas: Gruas nuk i dhurohet lule vetëm për festë
08.03.2020 16:27
Dita Ndërkombëtare e Gruas festohet çdo vit më 8 mars...
Kjo ditë përkujton lëvizjen për të drejtat e grave. Kjo ditë shërben për bashkimin e grave pa dallim feje, race, kulture, gjuhe dhe prejardhjeje, për të kujtuar përpjekjet për barazi, paqë, dhe drejtësi.
Të anketuarit nga TVM2 thonë se femrat kanë ecur shume para dhe atyre nuk duhet dhuruar lule vetëm për festa.
“Nuk di ende, respekt sepse femrat tani kanë ecur shumë para. Cdo ditë duhet nese burri e do gruan, një lule nuk është asgje, por kur të vjen nga shpirti jo vetëm për 8 mars”.
“Më mirë të ju japin 360 ditë të kenë të drejtë se sa vetëm 1 ditë . Femrat janë ku janë edhe duhet gjithmonë ti kenë të drejtat, jo vetëm 8 Marsin si femër, të jenë të barbartë me mashkullin”.
“Së pari duhet të arsimohen sepse arsimimi të bënë njeri .Një femer që ka ambicie mund të korri sukses dhe të jetë një femër e sukseshme”, shprehen qytetarët.
Femijet mendojnë se femrat janë gjinia më e pastër dhe më e sinqertë. Ndërsa ata janë të mendimit se dhurata më e mirë për nënat e tyre është dashuria dhe respekti që kanë për gjënë me të shtrenjtë, nënën.
“Krejt e dimë që femra është më e dalluar prej meshkujve, por sipas mendimit tim femrat janë gjinia me e pastërt”.
“Do ti dhuroj 1 lule të bukur, me një përqafim dhe një puthje në faqe”, shprehen nxënësit.
Ideja që 8 marsi i parë të shënohet në kalendarë si Dita e Gruas ndodhi më 28 shkurt të vitit 1909 në Nju Jork, ku pikërisht nga Konferenca Ndërkombëtare e Gruas u sugjerua që të jetë kjo datë, ku më pas, një vit më vonë, në vitin 1910 të shënohet si "Ditë Ndërkombëtare e Gruas".
Kujtojmë se fillim shekulli të XIX-të, ishte një periudhë e tronditur nga trazirat dhe shtimi i popullsisë, për botën e industrializuar.
REJHANE BUSHI METAJ