Zgjidhet problemi i transportit për gjimnazistët e Dollnenit

Ashtu edhe siç u paralajmërua organizimin e transportit të nxënësve e morri përsipër  komuna e Kërçovës, dhe me këtë mori fund problemi I transportit  i cili gjatë muajit shtator pengoi mbarëvajtjen e procesit edukativo arsimor në këto hapsira.

Kreu i Komunës  së Kërçovës, Fatmir Dehari pas takimeve të realizuara me drejtorët e shkollave, doli në mbështetje të kërkesave  që komuna të ndihmojë në mbarëvajtjen e procesit edukativo – arsimor  në  pesë qendra arsimore të qytetit të Kërçovës, edhe atë  në tre shkollat fillore dhe dy gjimnazet e Kërçovës.

Problemi i transpotit të nxënësve erdhi si pasojë e borxhve të mëdha të shkollave  të cilët  nga zhirollogaritë e bllokuara  nuk mund të sgurojnë transportin e nxënësve.

Kryetari Dehari theksoi se ”arsimi në Kërçovë po vuan nga borxhet e trashëguara nga keqqeverisja e kaluar dhe ky borxh kap shumën  mbi 1 milionë e 600 mijë euro në nivel shkollash.

Edhe pas shumë vështirësive ne arritëm që të ia dalim vitin e kaluar dhe dham rezultate të mira në sferën e arsimt. Fillimi i organizimit të transportit është sinjal se edhe përkundër vështirësive, kemi arritur  që ti menaxhojmë dhe ti tejkalojmë ato, potencon Dehari.

“Ne si komunë nuk u konsultuam aspak për ndërtimin e gjimnazit në Dollnen dhe u krijuan shumë komplikime jo vetëm në transportin e nxënësve por dhe shumë të tjera të cilat shpresojmë ti zgjidhim deri në fund të javës.  Ne mbajtëm premtimin dhe prej sot Komuna e Kërcovës bashkë me gjimnazin Drita vazhdon transportin e nxënësve”,  tha kreu i Kërçovës, Fatmir Dehari

Kryetari Dehari foli edhe për çështjen  e kalimit të paraleleve të Zhitoshes në institucion në vehte. 

Ai thekson se për këtë çështje mjaft të rëndësishme është diskutuar edhe me Ministrin  e Arsimit Abdylaqim Ademi dhe me një bashkëpunim konkret  të arrihet zgjidhja adekuate e të gjitha problemeve që tangojnë arsimin në shkollat e këtij rajoni. (Shaban Dalipi, TVM2)