Virusi Korona, kompanitë marrin masa mbrojtëse

Kompania vendore Dauti Komerc e cila punon në industrinë ushqimore po menaxhon situatën për tu mbrojtur nga virusi duke  bërë dezinfektim e gjithë objektit ku kryen veprimatrinë e saj ndërsa punëtorët i ka pajisur me maska mbrojtëse.

 

"Ne si kompani I kemi marë të gjitha masat e duhura dhe respektojmë apelet e qeverisë së RMV-së. Kemi furnizuar të gjithë të punësuarit me maska mbrojtëse në të gjitha objektet e kompanisë tonë gjithashtu kishim edhe kompaninë e cila bëri dezinfektimin e objekteve."- tha Afrim Krosi, menaxher.

 

Të punësuarit thonë se i kushtojnë vemendje maksimale higjines gjatë procesit të punës, edhe pse në fillim e kishin problem për t’ju pështatur maskave gjatë punës por tanimë janë adaptuar. Të njejtin veprim rekomandohet ta bëjnë edhe kompanitë tjera të sektorit privat.

 

 

 

 

"Higjiena personale është diqka që duhet patjetër të mbahet duhet gjithsesi duhet që të lahen duart dhe fytyra."- thanë të punësuarit.

 

Nga kjo kompani na thanë se si pasojë e virusit është rritur kërkesa për blejren e mallrave ndërsa sa i përket furnizimit tani për tani nuk ka pengesa por pritet të vështirsohet importi nga Italia.

 

"Si pasojë e ketij virusi është rritur edhe kërkesa për mallra, ndërsa sa I përket për furnizim për momentin nuk kemi hasur ndojë pengesë por presim që situatë të vështirsohet situate me importin e mallrave nga shteti i Italisë."- tha Afrim Krosi, menaxher.

 

 

Kryeministri teknik Oliver Spasovski thot se mjetë në buxhet ka dhe nuk përjashton mundësinë që të ndihmohen kompanitë apo sektorët që do të pësojnë humbje.

 

“Është e saktë se kemi në dispozicion mjete financiare në Buxhet, prandaj edhe kemi thënë se jemi likuidë. Në momentin kur do të vlerësohet se duhet një kategorie të caktuar të ekonomistëve t’u ndihmohet dhe t’u ofrohet ndihmë, këtë do ta bëjmë."- tha Oliver Spasovski, kryemisnitër.

 

Po shqyrtohet edhe ideja që nëpërmjet Bankës Zhvillimore të RMV-së të ju vihet në dispozicion 5 milion euro kompanive  si një nga masat e shpejta për menaxhim të krizës nga virusi.