Prishtinë, priten rezultatet e 70 të testuarve

Në Kosovë nuk është njoftuar për raste të reja të personave të prekur me virusin korona, por Instituti Kombëtar i Shëndetit Publik ka paralajmëruar se pas ores 19  do të prezentohen rezultatet e 70 personave që janë testuar.

 

Në mesin e tyre dy raste janë më të rënda për të cilat dyshohen se mund të kenë COVID-19. Në mbrëmjen e sotme dalin rezultatet edhe të 70 personave që u janë marrë mostrat për të vërtetuar nëse janë prekur me COVID-19. Në mesin e personave që janë testuar janë ata që kanë qëndruar me pesë pacientët që kanë dalë se kanë virusin korona, thonë nga Instituti Kombëtar i Shëndetit Publik në Kosovë.