Protesta në Sent Luis për vrasjen e zezakut
Kanë vazhduar përleshjet mes policisë dhe protestuesve për të dytën natë me radhë në qytetin amerikan, Saint Louis, të shkaktuara nga vdekja e një 18 vjeçari zezak, i cili është shtënë me armë zjarri nga një polic, në kohën kur nuk ishte në detyrë.....
Vdekja e Vonderr Myers, ka zgjuar tensionet e banorëve, pasi që i riu zezak është vrarë nga polici i bardhë në këtë vend që gjendet vetëm disa milje larg Fergusonit në Misuri.
Gjatë protestave të djeshme, qindra banorë kanë kërkuar demonstrata më të ashpra në St. Louis. Ato kanë vazhduar natën e 9 tetorit dhe sot në mëngjes, ku policia është detyruar të përdor gaz lotsjellës ndaj atyre që i ishin ofruar policisë për t’u ndeshur me ta.
Policia e St. Louis ka thënë se personi i dyshuar kishte hapur zjarr kundër oficerit të policisë pas ndjekjes dhe përleshjes, ndërsa është vrarë nga zjarri i kthyer.
Më pas, policia ka thënë se kanë gjetur një revole, por prindërit e Mayers thonë se djali i tyre nuk kishte armë.