Shqipëri, 23 raste të reja me virusin Korona

23 raste të reja janë shënuar me virusin Korona  brenda 24 orëve të fundit në Shqipëri, duke e çuar numrin e përgjithshëm të të infektuarve në 146.

 

Në komunikimin e përditshëm zëvendësministrja e shëndetësisë, Mira Rakacolli, tha se 3 persona janë në gjendje të rëndë, ndërsa 17 janë shëruar. Më i prekur është qyteti i Tiranës.

 

Pas konfirmimit të infektimit të drejtorit të Urgjencës Kombëtare, Skënder Brataj, një tjetër mjeke nga qyteti i Lezhës është prekur nga COVID-19.

 

Ndërkaq, ndër të infektuarit është edhe një oficer policie si dhe një punonjës i kadastrës së Korçës.

 

Kryeministri, Edi Rama, shpalli gjendjen e fatkeqësisë natyrore, duke vendosur institucionet publike, private si dhe qytetarët në funksion të luftës kundër virusit Korona.