Shqipëri, 212 të infektuar me virusin Korona

15 raste të reja të prekurish me virusin Korona janë regjistruar në Shqipëri gjatë 24 orëve të fundit, ndërsa është zgjeruar harta e të prekurve me rrethin e Mirditës.

Zëvendësministrja e shëndetësisë, Mira Rakacolli, bëri të ditur se aktualisht janë 6 pacientë në terapi intensive nga të cilët 4 janë te intubuar.

Ndërkohë, ministrja Ogerta Manastirliu tha se spitali i sanatoriumit është kthyer në Spital “Covid”, ku se fundmi është kryer edhe një ndërhyrje kirurgjikale e një pacienteje me virusin Korona.

Masat për frenimin e virusit janë forcuar, ku prej ditës së hënë nga shtëpia do të lejohet të dalë vetëm një anëtar i familjes, i cili duhet të marrë leje nga shteti për të kryer blerje.

LULJETA NDOKA