Suedia sfidon gjithë botën, nuk merr masa kufizuese pavarësisht rritjes së rasteve me Covid-19

Restorantet dhe baret janë të hapura në vendin nordik, fusha lojrash dhe shkolla gjithashtu, dhe qeveria po mbështetet në veprime vullnetare për të penguar përhapjen e Covid-19.

 

Është një qasje e diskutueshme, dhe ajo që tërheq vëmendjen e Presidentit Donald Trump. "Suedia po i lejon njerëzit të dalin në tufë. Vendi do të vuajë shumë, shumë keq", tha Trump të martën e 7 prillit.

 

Të nesërmen, Ministri i Jashtëm i Suedisë Ann Linde tha se Trump ishte "faktikisht i gabuar" për të sugjeruar se Suedia po ndiqte teorinë e "imunitetit të tufës".

 

Ideja, tha Linde, ishte pa bllokim dhe ne mbështetemi shumë tek njerëzit që marrin vetë përgjegjësinë.

 

Qasja ka të bëjë me inkurajimin dhe rekomandimin, jo detyrimin. Dy ditë pasi Spanja vendosi një bllokim mbarëkombëtar në 14 mars, autoritetet suedeze po inkurajonin njerëzit të lanin duart dhe të qëndronin në shtëpi nëse janë të sëmurë.

 

Më 24 mars, u vendosën rregulla të reja për të shmangur grumbullimin në restorante.

 

''A po funksionon? "Unë mendoj se Suedia po bën mirë", tha epidemiologu shtetëror suedez Anders Tegnell për bashkëpunëtorin e CNN Expressen.

 

 

Suedia ka raportuar 9.114 raste të koronavirusit dhe 793 vdekje, sipas Universitetit Johns Hopkins./Ora News