Nuk menaxhoi si duhet situatën e Covid-19, Trump bllokon fondet për OBSH-në

Presidenti amerikan Donald Trump njoftoi të martën e 14 prillit se do bllokojë fondet për Organizatën Botërore të Shëndetit dhe do të bëhet një rishqyrtim për to.

 

Trump tha në një konferencë shtypi se shqyrtimi do të përfshijë rolin e OBSH-së në keqmenaxhimin e situatës së krijuar nga Covid-19.

 

Presidenti tha se ndërsa SH.B.A. vendosi kufizime të udhëtimit në Kinë gjatë fazave të para të shpërthimit, OBSH ishte kundër.

 

"Kombet dhe rajonet e tjera që ndoqën udhëzimet e OBSH dhe i mbanin kufijtë e tyre të hapur me Kinën, përshpejtuan pandeminë në të gjithë botën", tha Trump.

 

Trump vazhdoi: "Vendimi i vendeve të tjera të mëdha për të mbajtur të hapur udhëtimet ishte një nga tragjeditë e mëdha dhe mundësitë e humbura që nga ditët e para".

 

SHBA është vendi më i prekur nga Covid-19 me mbi 26 mijë viktima dhe mbi 600 mijë të infektuar.

 

Në të gjithën botën janë shënuar 493 mijë viktima dhe rreth 2 milion të infektuar sipas statistikave nga universiteti John Hopkins.

 

Ndërkohë lidhur me këtë çështje ka reaguar Sekretari i Përgjithshëm i OKB-së, Antonio Gutierres i cili kritikoi presidentin Trump dhe tha se nuk është koha për t'i ndalur fondet OBSH-së./Ora News