Origjina e Covid 19: Kina nuk pranon nisjen e hetimit; Covid 19: OBSh paralajmëron, mos i zbutni masat; Covid 19: 2 milion e 800 mijë të infektuar me Covid 19

Kina ka refuzuar të pranojë thirrjet për një hetim të pavarur ndërkombëtar në lidhje me origjinën e koronavirusit pasi që vlersojnë se thirrjet për një hetim të tillë janë të motivuara politikisht.

Sipas tyre një hetim i tillë i kishte penguar autoritetet kineze të luftojnë pandeminë Kovid-19.Teoritë e shumta të pakonfirmuara dhe dezinformatat në lidhje me shfaqjen e koronavirusit janë të ngjashme me “virusin politik”, i cili është më i rrezikshëm se Kovid-19.

Në ndërkohë presidenti amerikan Donalt Tramp ka deklaruar se ka qenë sarkazëm kur ka thënë se një dezinfektues në trupin e njeriut shëron vurusin Korona.Deklarata e tij zgjoi reagime të shumta në opinion, tek ekpertët dhe kompanitë.

“Në mënyrë sarkastike u bëra pyetje gazetarëve,për të parë se çfarë do të ndodhë.thonë se diçka zgjatë 3, 4 apo 6 orë por nëse është në diell dhe nëse shfrtyëzohen dezinfektues zhduket për më pak se 1 minutë.Isha sarkastikë kur e thashë atë”, theksoi presidenti amerikan Donalt Tramp.

Ndërkohë ,Kombet e Bashkuara i bashkuan forcat edhe me udhëheqës botërorë dhe me sektorin privat në një nismë për përshpejtimin e gjetjes së vaksinës për virusin korona dhe për sigurimin e qasjes së barabartë për të gjithë.

Organizata Botërore e Shëndetësisë edhe një herë ka bërë thirrje në lidhje me lehtësimin e masave që janë duke bërë shumë shtete, e të cilat ishin ndërrmarë për të penguar përhapjen e virusit Korona.

OBSH ngre shqetësimin se një veprim i tillë mund të sjellë ringjallje të virusit, ndërkohë që shumë vende kanë nisur planet për të dalë nga karantina.Një numër i vendeve të tjera evropiane kanë njoftuar tashmë masa për të lehtësuar bllokimet e tyre, të cilat ishin vendosur për të ndihmuar në ndalimin e përhapjes së koronavirusit.

Disa dyqane tashmë janë rihapur në Gjermani dhe shkollat gradualisht do të rihapen nga 4 maji, megjithëse kafenetë, restorantet, kinematë dhe vendet e muzikës do të mbeten të mbyllura.Lehtësimin e masave ka filluar edhe Belgjika.

Bizneset e para që do të hapen do të jenë dyqanet e rrobave në 4 maj,ndërsa shkollat do të rihapin nga 18 maj, por jo më shumë se 10 fëmijë do të lejohen në secilën klasë.

Deri më tani ,ka shkuar në mbi 2 milionë e 800 mijë numri i rasteve me COVID-19 ndërkohë që numri i viktimave ka kapur shifrën mbi 197 mijë.

Nga ana tjetër, sa u takon të shëruarve janë mbi 807 mijë persona që kanë fituar betejën me Covid-19.

FLORIE BELULI