Shqipëri, 16 raste të reja me Covid 19

16 raste të reja me Covid 19 janë regjistruar gjatë 24 orëve të fundit në Shqipëri. Ndër rastet e reja, 5 janë punonjës në fasonerinë e Krujës, ndërsa harta e tëprekurve është zgjeruar edhe në Berat. Mes të infektuarve janë edhe tre ushtarët të Kforit.

 

"Nga rezultatet e testimeve janë konfirmuar 16 raste pozitive me COVID19, nga të cilat 9 raste janë në Tiranë, 5 raste në Krujë, 1 raste në Shkodër dhe 1 rast në Berat.Deri në këto momente janë testuar 8028 raste të dyshuara dhe prej tyre janë të konfirmuar pozitivë me COVID-19, 766 raste. Deri tani 30 qytetarë e kanë humbur betejën me këtë sëmundje, megjithë përpjekjet e stafit mjekësor."- tha Eugena Tomini nga instituti i Shëndetit Publik.

 

Gjithsej janë testuar 8028 raste të dyshuara ku rezultojnë të prekur me këtë virus 766 persona. Gjatë 24 orëve të fundit, 24 pacientë të tjerë i janë shtuar listës së të shëruarve, duke e çuar totalin në 455.