Covid 19, mbi çerek milion viktima, virusi po humb fuqinë

85% e vdekjeve në botë i takojne Europës dhe SHBA-ve. Në Shtetet e Bashkuara ,  në 24 orët e fundit u regjistruan 1.015 vdekje nga Covid-19. Kjo është shkalla më e ulët e vdekshmërive ditore të regjistruara  ndëkrohë që totali ka shkuar në rreth 69 mijë. Në Europë numri i përgjitshhëm i vdekjeve ka shkuar në mbi 145 mijë. Italia ka regjistruar 29.079 viktima, Mbretëria e Bashkuar 28.734 viktima, Spanja 25.428 viktima dhe Franca 25.201 viktima.

 

Në Kontinentin e vjetër janë zbuluar gjithashtu mbi 1.5 milion infeksione nga virusi korona. Italia po I kthehet ngadalë normalitetit. Atje në 24 orët e fundit, janë regjistruar vetëm 195 viktima. Një lajm tjetër i mirë është se numri i të shëruarve vijon të rritet me shifra të lartë. Në 24 orë janë shënuar 1225 të shëruar ndërkohë numri total i tyre ka shkuar në 82 879. Zyrtarisht Italia ka hyrë në fazën e dytë  të pandemisë. Që nga 24 maji, shumë italianë u bllokuan jashtë qyteteve të tyre pa mundësi lëvizjeje e tani që masat po lirohen, shumë prej tyre po nxitojnë të kapin kohën e humbur.

 

 

 

 

“Nuk kemi probleme deri tani. Pasagjerët zbresin nga treni kemi edhe mbrojtjen civile këtu dhe punonjësit shëndetësorë kontrollojnë cdo njeri mos ka temperaturë. Nëse është më e lartë se 37.5, një mjek ju bën menjëherë një test të shkurtër serologjik. Më pas pasagjerët na tregojnë lejen me të cilën justifikojnë arsyen e udhëtimit."- thanë qytetarët italianë.

 

Teksa italianët presin kthimin e jetës normale, gjatë shërbimit të meshës në kishën e shën Martës, papa Francesku u lut për të vdekurit.

 

“Lutem sot për të vdekurit, vecanërisht për ata që ndërruan jetë për shkak të pandemisë. Shumë prej tyre vdiqën në vetmi, pa dashurinë e më të afërmve të tyre në momentet e fundit."- tha papa Françesku.

 

Zelanda e Re raportoi 0 raste të reja me koronavirus për të dytën ditë radhazi, një javë pasi u hoqën masat shtrënguese. Teksa masat po lirohen, vazhdon gara për gjetjen e vaksinës që do i jepte fund pandemisë. 8 kandidatë për vaksina po kryejnë testime njerëzore në klinika në Shtetet e Bashkuara, Kinë, Britani dhe Gjermani. Pas tyre të paktën 94 të tjerë janë në faza të ndryshme të zhvillimit. Rezultatet e testit të vaksinave janë megjithatë akoma disa muaj larg për të gjithë kandidatët. OBSH ndërkohë i ka quajtur spekulative  pretendimet amerikane se virusi korona e ka origjinën në një laborator në Vuhan të Kinës. Edhe Pekini zyrtar i ka hedhur poshtë si të pavërteta këto pohime. Që nga rasti i parë i regjistruar në Kinë fundvitin e kaluar, COVID-19 u përhap në mbi 180 vende të botës, duke prekur 3.573.864 njerëz dhe duke u marrë jetën 250.687 të tjerëve.