Janë gjuajtur tre raketa në afërsi të aeroportit në Bagdad

Në afërsi të sektorit ushtarak në aeroportin e Bagdadit sot ishin gjuajtur  tre raketa të llojit “Kaçusha” dhe nuk ka  persona të lënduar ose të vdekur, kumtoi armata  irakiane.

Sulmi mbi aeroportin e Bagdadit, që është mbyllur  për shkak të pandemisë së Kovid-19, ishte kryer para seancës së Parlamentit  irakian, për Qeverinë e propozuar  të kryeministrit të sapozgjedhur Mustafa al-Kadimi.

Forcat e sigurisë e gjetën  hedhësin raketor  nga i cili ishin gjuajtur raketat, për çka asnjë grup  nuk e ndërmorri përgjegjësinë.

Përfaqësuesi qeveritar i Qeverisë së Irakut deklaroi se një raketë ishte gjuajtur  në  afërsi  të forcave irakiane përmes aeroportit, raketa tjetër ishte gjuajtur  në afërsi të burgut amerikan  ku ishte stacionuar Sadam Husein para ekzekutimit, ndërsa raketa e tretë  në afërsi të bazës së forcave ushtarake amerikane.

Ai është sulmi i parë nga 26 marsi, kur ishin gjuajtur raketat në afërsi  të Komandës operative në Bagdad, qendër për koordinim  të forcave  policore dhe ushtarake të Irakut, disa qindra metra  nga Ambasada e SHBA-së, që gjithashtu, shpesh herë është cak i sulmeve raketore./mia