Arabia Saudite, SHBA bën tërheqjen e raketave “Patriot”

SHBA po tërheq katër bateri raketash “Patriot” dhe dhjetëra trupa të vendosura në Arabinë Saudite në vazhdën e tensioneve të rritura me Iranin, sipas “Wall Street Journal”. Asetet ushtarake u dërguan në Arabinë Saudite, pasi një sulm ndaj objekteve të saj të naftës shkatërroi prodhimin e mbretërisë.

 

Riadi dhe Uashingtoni e kanë fajësuar Iranin për sulmet, ndërsa Teherani ka mohuar akuzat pas një serie sulmesh në rajon ndaj tankerave të naftës në rajonin e Gjirit, që ndodhën gjatë disa muajve. Tërheqja aktualisht është duke u zhvilluar dhe bazohet në bindjen e disa zyrtarëve se Irani nuk paraqet më një kërcënim të menjëhershëm për interesat strategjike amerikane.