Covid-19, mbi 4,5 mln të diagnostikuar në mbarë botën

Më shumë se 300,000 kanë vdekur dhe 4.5 milion njerëz janë infektuar që nga fillimi i pandemisë, sipas Universitetit Johns Hopkins. Numri më i madh i të infektuarve është regjistruar në SHBA, me gjithsej 1.448.460 raste deri më tani. Shteti më i prekur në SHBA, me të paktën 340,661 raste dhe 27,477 vdekje, është Nju Yorku.

 

Pas SHBA-së radhiten Spanja me 272.646 raste, Rusia me 252.245, Britania me 233.151, Italia me 223.096, Brazili me 197.838, Franca me 178.878 dhe Gjermania me 174.636 raste me COVID-19. Ndërkaq, sipas të dhënave të fundit, në Turqi deri më tani janë konfirmuar 144.749 të diagnostikuar me virusin. 

 

 

Ndërkohë rreth 11 milion banorë në Vuhan të Kinës, vendi ku lindi pandemia,  do të testohen për Covid-19 brenda 10 ditëve. Mijëra vetë janë vendosur në radhë të gjata për të kryer testet. Në një kohë kur Vuhani qëndroi për më shumë se 76 ditë i izoluar, i gjithë shqetësimi është se sa persona asimptomatikë mund të ketë qyteti, të cilët mund të infektojnë dhe persona të tjerë me virusin e ri vdekjeprurës.