Shtetet arabe, orë policore për Fitër Bajram

Qeveritë në Lindjen e afërt, si dhe në shumë shtete tjera muslimane kanë përforcuar ndalesën  për lëvizje të lire të qytetarëve në prag të festës së Fitër Bajramit, në përpjekje të parandalimit të përhapjes më të madhe të virusit korona. 

 

Arabia Saudite  ka paralajmëruar  orë policore nga data 23 maji, deri më 27 maj, dia e fundit e festës së Bajramit. Myftiu i madh saudit, sheiku Abdulaziz al-Sheik, u ka bërë thirrje besimtarëve që lutjet të bëjnë nga shtëpitë e tyre në vend të xhamisë.  Edhe Al-Azhar i Egjiptit, që konsiderohet si selia e mendimit islam, mban të njejtin qëndrim. Ligjeruesit e këtij universiteti bëjnë thirrje që lutjet dhe falja e Bajramit të bëhet nga shtëpia, sepse qëllimi I ligjit islam është ruajtja e jetëve të njerëzve dhe mbrojtja e tyre nga të gjitha rreziqet. Në Turqi presidenti Rexhep Taip Erdogan  ka paralajmëruar se ora policore 4 ditore do të vlejë deri në ditën e fundit të festës së Bajramit.