Ligji për nënpunësit administrativë, Avziu: Mundësohet avancimi i administratorëve

Sekretari  shtetëror në Ministrinë e Shoqërisë Informatike Adem Avziu, thotë se me këtë ligj përfitojnë të gjithë nënpunësit  administrative të cilët janë punësuar me shkollim të mesëm, por ndërkohë  kanë mbaruar shkollimin e lartë. Atyre tashmë  ju mundësohet që të avancohen në institucionet ku janë të punësuar. 

 

"Nënpunësi shtetëror me shkollim të mesëm parashtron kërkesë deri tek udhëheqësi i institucionit përkatës ku është I punësuar, dhe I njejti institucion me aktin e sistematizimit duhet të ketë një vend të lirë për nënpunësin administraiv, dhe duhet të ketë mjete financiare që të realizohet avansimi i tij dhe rritja e pagës së nënpunësit.  Nëse institucioni nuk posedon mjete për vitin paraprak, duhet të planifikojë mjete për vitin e ardhshëm."- tha Adem Avziu, sekretar shtetëror në Ministrinë e Shoqërisë Informative.

 

Përfaqësimi i shqiptarëve në administratën shtetërore është rritur në 20% thotë Avziu dhe arsyeja se përse  pres konferenca u mbajt në selinë e BDI-së , sipas tij është pikërisht sepse ligji për administratën publike është miratuar me insistimin e grupit parlamentar të  BDI-së.