Botë
Shqipëri, 1 vikimë, 82 raste të reja me Covid 19
16.06.2020 12:22
82 raste në 24 orët e fundit me Covid-19 janë konfirmuar në Shqipëri....
Në Shqipëri, janë konfirmuar 82 raste në 24 orët e fundit me Covid-19, shifra më e lartë e regjistruar ndonjëherë që nga fillimi i pandemisë. Është regjistruar edhe viktima e 37 si pasojë e virusit Korona, një 68 vjeçar nga Puka, i cili vuante nga spok dhe ishte ne gjendje te rende i intubuar prej disa ditësh.
"Gjatë 24 orëve të fundit janë kryer 364 testime për të dyshuar të prekur me Covid19, nga të cilat janë konfirmuar 82 raste pozitive, kontakte të rasteve te konfirmuara më herët pozitive, si dhe raste te reja në proces hetimi në Tiranë, në Shkodër, Fier, Vlorë, Korçë dhe Durrës. 28 të prekur në Tiranë, 18 në Shkodër, 10 në Krujë, 8 në Durrës, 7 në Vlorë, 3 në Kamëz, nga 2 raste në Kukës, Elbasan, Fier dhe nga 1 I prekur në Korçë dhe Pukë. Ne 24 orët e fundit ka ndërruar jetë një pacient 68 vjeç nga Puka, i cili vuante nga spok dhe ishte ne gjendje te rende i intubuar prej disa ditësh.Pavarësisht përpjekjeve të stafit mjekësor 68 vjeçari nuk ka mundur të mbijetojë.Gjatë 24 orëve të fundit janë shëruar 9 qytetarë, duke e çuar numrin e të shëruarve që nga fillimi i epidemisë në 1064. Virusi është akoma mes nesh dhe për sa kohë nuk ka një vaksinë, qytetarët duhet të përshaten me normalitetin e ri dhe të përshtasin sjelljen e tyre duke u kujdesur për zbatimin strikt të çdo rregulli të vendosur."- tha Marjeta Dervishi nga Instituti i Shëndetit Publik, Shqipëri.