Trazira gjatë protestave të punonjësve shëndetësor në Paris

Policia në Paris  sot përdori gaz lotsjellës, me qëllim që t’i parandalojë trazirat  gjatë protestës së punonjësve shëndetësor  në qendër të qytetit.

Protestat u mbajtën para ndërtesës së Ministrisë së Shëndetësisë, ndërsa demonstrantët kërkojnë  t’u rriten pagat dhe  obligimet e zvogëluara në punë. Protesta ndodh në momentin e konsultimeve  rreth reformave  në sistemin shëndetësor, të cilat zgjasin  në Francë tashmë tre javë.

Demonstrantët theksuan se bisedat janë të pasuksesshme. Pas përfundimit të tubimit, pjesëmarrësit radikal filluan të hedhin gurë,  shishe dhe mjete shpërthyese ndaj policisë,  e cila u përgjigj me gaz lotsjellës. Policia bllokoi disa rrugë, ndërsa  në kumtesën policore citohet se  grupet e margjinalizuara  janë munduar ta pengojnë  protestën e qetë të punonjësve shëndetësor.

Protesta të mëdha të punonjësve shëndetësor  u mbajtën sot edhe në qytete tjera të Francës, veçanërisht në Nant. Sipas televizionit BFM tani për tani  kalojnë pa probleme./mia