Virusi Korona, mbi 8 miljon e 200 mijë të infektuar në botë

Numri i të infektuarve në nivel botëror nga virusi korona ka arritur në mbi 8 miljon e 200 mijë persona, prej të cilëve rreth 4 miljon janë shëruar ndërsa mbi 444 mijë kanë humbur jetën. 

 

Numri i personave të vdekur nga virusi korona në Shtetet e Bashkuara të Amerilës ka tejkaluar numrin e ushtarëve amerikanë të vdekur gjatë Luftës së Parë Botërore, ndërkohë që shumë shtete në territorin e SHBA-së regjistrojnë rritje të numri të personave të infektaur. Numri i viktimave në SHBA nga virusi korona, sipas të dhënave të Universitetit Johns Hopkins ka tejkasur mbi 116,900, ndërsa numri i amerikanëve të vdekur gjatë Luftës së Parë Botërore, ishte 116,516. 

 

Ndërkohë Organizata Botërore e Shëndetësisë ka paralajmëraur se do të përditësojë udhëzimet e saja lidhur me trajtimin e koronavirusit, pasi një studim gjeti se një steroid i lirë mund të ndihmojë që t’i shpëtojë të sëmurët me Covid-19. Studiuesit britanikë të Universitetit Oxford thanë se deksametazona – që përdoret që prej viteve ‘60 për të zvogëluar inflamacionin për sëmundje të tilla si artriti – ulë shkallën e vdekjes me rreth një të tretën në më shumë se 2 mijë pacientë të sëmurë rëndë me Covid-19, sëmundjen që e shkakton koronavirusi. 

 

“Ky është trajtimi i parë që shfaq uljen e vdekshmërisë te pacientët me Covid-19, të cilët trajtohen me oksigjen apo me ventilatorë”, tha drejtori i OBSH-së, Adhanom Gebreyesus. 

 

Deksametazona ulë për 35 për qind vdekshmërinë te pacientët të cilët mund të marrin frymë me ndihmën e ventilatorëve, ndërkaq ulë në një të pestën shkallën e vdekshmërisë te pacientët që trajtohen me oksigjen, thuhet në studimin e publikuar.

 

Ndërkohë presidenti amerikan, Donald Trump vazhdon të jetë i fokusuar në rihapje të ekonomisë dhe insiston se nuk do të ketë mbyllje, edhe pse numri i të prekurve me sëmundjen Covid-19, që shkakton koronavirusi, ka kaluar në mbi 2.1 milionë. SHBA-ja, Meksika dhe Kanadaja janë pajtuar për mbajtje të kujfive të mbyllur deri më 21 korrik, duke vazhduar masat e kufizimit në udhëtim. Për dallim nga këto vende, shumë shtete në Evropë kanë rihapur kufijtë për udhëtarët brenda vendeve të Bashkimit Evropian, pas tre muajve të masave kufizuese.