Përballja me pandeminë Covid 19, Qeveria shkurton 4 ml euro nga financimi i partive

Qeveria sot në seancën e saj, me sugjerimin e Ministrisë së Drejtësisë, miratoi një dekret me fuqi ligjore për financimin e partive politike në vitin 2020, sipas të cilës katër milion euro të parashikuara për partitë politike mbeten në buxhet, informojnë nga Ministria e Drejtësisë.

“Në vend të 0.15 përqind të buxhetit, partitë politike do të marrin vetëm 0.04 përqind, ose thënë në shifra, nëse do të duhej të paguheshin 320 milion denarë për të financuar partitë politike këtë vit, me Dekretin me forcë ligjore për financim të partive politike në në vitin 2020, partive do t’u duhet të paguhen gjithsej 71 milion e 480mijë e 556 denarë.”, deklarojnë nga Ministria e Drejtësisë.

Pra rreth katër milion euro që  janë shkurtuar për pagesa dhe do të shpërndahen në buxhet për t’u marrë me pasojat e pandemisë, me më shumë se një milion euro të mbetura për partitë politike të ndahen në përputhje me rregulloret ligjore. Në seancën e sotme Qeveria ka miratuar edhe vendimin për vazhdimin e orarit të punës për objektet gastronomike pas mesnatës gjatë ditëve të punës dhe deri orën 1 pas mesnate gjatë kohës së fundjavës.