Sulm i tmerrshëm në meksikë, 15 të vrarë

Persona të armatosur kanë vrarë 15 banorë të një fshati me popullsi indogjene në pjesën jugore të Meksikës. Autoritetet  e vlerësuan rastin si një nga sulmet më brutale që janë regjistruar në zonat rurale të Meksikës në vitet e fundit.

 

Autoritetet lokale të kësaj komune thanë se sulmi ishte organizuar nga së paku gjashtë persona të armatosur, të cilët ishin përkrahur nga një shef i dyshuar i drogës në atë rajon. Dy gratë e vrara ishin duke protestuar kundër abuzimeve të kryera nga njëri prej sulmuesve të dyshuar.

 

Qeveria lokale tha se sulmuesit i kanë torturuar dhe i kanë djegur për së gjalli disa prej viktimave. Fotografitë e trupave pjesërisht të djegur u publikuan në rrjetet sociale. Njëri nga burrat e vdekur dukej se ishte goditur me tulla.