Greqi, deri më 29 korrik hyrje vetëm me test negativ

Nga e mërkura deri  më 29 korrik hyrja  në Greqi sipas vendimit të përbashkët ministror të publikuar në Gazetën zyrtare të Greqisë do të lejohet  përmes vendalimit kufitar Promahonas, vetëm me vërtetim  në gjuhën angleze për test negativ të Kovid-19, të bërë 72 orë para udhëtimit në  laboratorët shtetëror ose ato private, të certifikuar nga shërbimi shtetëror i vendit, me rezultat negative. 

Në vërtetimin në gjuhën angleze, duhet të përfshihen emri dhe mbiemri dhe numri i pasaportës ose letërnjoftimit.

Përveç testit negativ prej të mërkurës, për hyrje përmes Promahonas si dhe për udhëtimet me aeroplan, turistët duhet ta plotësojnë edhe  formularin special  PLF (Passenger Locator Form), përmes faqes së internetit “travel.gov.gr”, më së voni një ditë para udhëtimit, e jo në periudhën prej 48 orëve  siç ishte më parë.