Mjetet IPARD, të pakapshme për bujqit dhe zejtarët

Sipas tyre, kjo veprimtari e  vogël assesi nuk mund të ketë qasje, sepse paraprakisht financimi i projektit, sigurimi i mjeteve në xhiro-llogarinë e  tyre paraqet problem kryesor, duke pasur parasysh se artizanatet operojnë me mjete  të vogla  dhe  me një ose dy të punësuar.

Nga ana tjetër,  procedura e aplikimit për tërheqjen e  mjeteve  të komponentës IPARD është strikte, projekti fillimisht financohet  me mjete vetjake dhe më pas  50 % e mjeteve kthehen nga kjo komponente.

“Në mesin e procedurave hasim vështirësi në sigurimin e tre ofertave për investime, që kapin vlerën e më shumë se dhjetë mijë euro. Ne jemi vazhdimisht në terren duke i sqaruar bujqve se këto rregulla nuk mund të anashkalohen dhe se ofertat duhen të kenë një lidhshmëri ndërmjet vetvetes, prandaj vazhdimisht i këshillojmë bujqit, por dhe kompanitë, që të kenë kujdes prej kujt i marrin ofertat”- deklaroi zanatçiu, Viktor Mladenovski.

Mjetet  financiare  të komponentes IPARD vazhdojnë të jenë të pakapshme  për  bujqit dhe zejtarët e  vendit. Një ndër shkaqet kryesore  janë mungesa e mjeteve për të mbuluar  financiarisht projektin edhe pse   50 %  e mjeteve  më pas kthehen nga kjo komponente.

“Programi është  interesant, por duhet të ketë  ndryshime  në qarkullimin e  mjeteve, sepse ne  si zejtarë  kemi mikro-firma me  një ose dy të punësuar dhe disponojmë  një buxhet të  kufizuar. Paraprakisht duhet të investohet, problem është që ato para duhet të kalojnë në xhiro-llogari, ashtu  që ngelet TVSH-ja ndaj tyre, e që nuk i kanë, kështu që këto janë dy probleme për të cilat duhet të  na ndihmohet”- tha zanatçiu nga Shkupi, Dimçe Petrushevski.  

Nga ana tjetër, përfaqësuesit e Ministrisë së Bujqësisë thonë se rregullat janë strikte dhe se personat fizik ose firmat e mesme dhe të vogla duhet vetë fillimisht ta financojnë projektin. (Gyltene Sinani, TVM2)