Në Lezbos kanë arritur 90 refugjatë dhe emigrantë

Në dy raste të veçanta, me dy barka, në ishullin grek Lezbos, dje kanë arritur 90  refugjatë dhe emigrantë, lajmëroi korrespondentja e MIA-s nga Athina.

Pas testit të bërë për Kovid-19, siç është tashmë praktikë, refugjatët dhe emigrantët janë akomoduar  në njërin nga kampet për karantinë. Sipas agjencisë gazetareske greke ANA-MPA,  në njërin objekt për karantinë  ka 91 refugjatë dhe emigrantë, ndërsa në tjetrin 201.

Vetëm gjatë fundjavës, në Lezbos arritën 148 persona në katër raste të veçanta, ndërsa, sërish nga fillimi i muajit, vlerësimet janë se  nga bregdeti turistik në ishull kanë arritur rreth 200 refugjatë dhe emigrantë.

Paralelisht, siç publikoi MIA, kufizimi i lëvizjes në kampet dhe qendrat e refugjatëve për pranim dhe regjistrim të refugjatëve dhe emigrantëve në të gjithë Greqinë është vazhduar  deri më 2 Gusht./mia