Covid 19 në Botë, Irani me më shumë viktima

Gjatë ditës së sotme, më shumë viktima nga virusi Korona janë regjistruar në Iran, 229 vetëm 24 orët e fundit, duke e çuar numrin e përgjithshëm në 14.634, që paraqet shifrën më të lartë ditore të viktimave që nga shfaqja e virusit në vend.

Gjermania ka regjistruar 522 raste të reja me COVID-19. Spanja është bërë në Europë, epiqendra e shpërthimeve të vatrave të reja të infeksionit të Covid-19.

Koronavirusi ka rifituar forcë në Spanjë, ku autoritetet janë duke u përpjekur në mënyrë të dëshpëruar për të përmirësuar përhapjen e tij, pa u rikthyer te masat e izolimit dhe bllokimit. Në Katalonjë në 24 orët e fundit u raportuan 590 raste të reja të identifikuar me koronavirus.

Në tabelat e OBSh-së, Spanja është vendi i dytë në Bashkimin Europian (pas Luksemburgut) për shkak të ringjalljes së Covid-19. Deri më tani, sipas të dhënave nga Ministria e Shëndetësisë, totali i infeksioneve ka shkuar në 264.836, që nga fillimi i pandemisë, dhe 28.422 viktima. (Farije Dauti Bakiju, TVM2)